ՉԼ խմբային փուլի 4-րդ տուրում G խմբում «Բարսելոնան» ջախջախեց Կիևի «Դինամոյին»: Խաղը կայացավ Կիևի «Օլիմպիական» մարզադաշտում և ավարտվեց 4-0 հաշվով:
Առաջին խաղակեսում գոլեր չարձանագրվեցին: 52-րդ րոպեին հանդիպման հաշիվը բացեց Դեստը: 5 րոպե անց «կապտանռնագույնների» առավելությունը կրկնապատկեց Մարտին Բրեյթուեյթը: 70-րդ րոպեին Մարտինը դուբլ ձևակերպեց: Խաղի վերջնական հաշիվը 92-րդ րոպեին ձևակերպեց Գրիզմանը:
Այս հաղթանակից հետո «Բարսելոնան» 12 միավորով միանձնյա գլխավորում է խումբը:
Խմբի մյուս խաղում «Յուվենտուսը» 2-1 հաշվով հաղթանակ կորզեց «Ֆերենցվարոշից»: Խաղի հաշիվը 19-րդ րոպեին բացեցին հյուրերը: 35-րդ րոպեին Ռոնալդուն հավասարեցրեց հաշիվը: Իսկ 92-րդ րոպեին Մորատան հաղթանակ պարգևեց «ծեր սինյորային»:
