TotalFootball.am


15.07.20 18:16

«Սա նոր մարտահրավեր է ինձ համար». Ռոբերտ Արզումանյանը՝ գլխավոր մարզիչ նշանակվելու մասին


Արդեն հայտնել ենք, որ Հայաստանի Ազգային հավաքականի նախկին կենտրոնական պաշտպան Ռոբերտ Արզումանյանը գլխավորել է «Ուրարտու-2»-ը: Նոր նշանակումից հետո մասնագետն առաջին հարցազրույցն է տվել ակումբի մամուլի ծառայությանը:

- Նշանակվել եք «Ուրարտու-2»-ի գլխավոր մարզիչ, ի՞նչ կասեք այդ կապակցությամբ։

- Շատ ուրախ եմ, «Ուրարտուն» ունի Հայաստանի լավագույն ակադեմիան է և իմ կարծիքով, այստեղից ավելի շատ ֆուտբոլիստներ պետք է առաջին թիմ տեղափոխվեն, քան նախկինում եղել է, քանի որ այս ակումբն ունի բոլոր հնարավորությունները։

- Փոխարինում եք Արամ Հակոբյանին, որն այս պաշտոնում բավականին մեծ ծավալի աշխատանք է կատարել։ Ի՞նչ կասեք այդ մասին։

- Հետևել եմ թիմի ելույթներին, կարող եմ ասել, որ Արամ Հակոբյանն ու իր մարզչական շտաբը շատ լավ աշխատանք են կատարել։ Կփորձեմ ավելին ներդնել, որպեսզի թիմը մեկ քայլ առաջ կատարի։

- Ի՞նչ ծրագրեր կան առաջիկայում։

- Մինչ մարզումները սկսելը, ծրագրերը կապված են ֆուտբոլիստներին ուսումնասիրելու, նրանց ավելի լավ ճանաչելու հետ։ Նպատակ ունենք երիտասարդացնել կազմը։ Մարզումները սկսելու ենք հուլիսի 16-ից ու փորձելու ենք անել ամեն ինչ, որպեսզի մեր երիտասարդ ֆուտբոլիստներն ավելի մրցունակ լինեն և կարողանան պայքարել ու իրենց տեղը գտնել ֆուտբոլում։

- Առաջին անգամ եք նշանակվում որպես գլխավոր մարզիչ, ի՞նչ կասեք այդ մասին։

- Սա իրոք նոր մարտահրավեր է ինձ համար, այլ բան է լինել մարզչի օգնական և այլ բան՝ գլխավոր մարզիչ, գործառույթները տարբեր են։ Կարծում եմ՝ պատրաստ եմ ու ճիշտ աշխատանքի դեպքում ինձ թվում է, որ  և՛ մեր մարզչական շտաբը, և՛ «Ուրարտու» ֆուտբոլային ակումբը կհասնենք մեր նպատակներին։





  Լրահոս



Հայաստան


Վան   2   6
Ուրարտու   2   4
Ալաշկերտ   2   4
Արարատ   1   3
Արարատ-Արմենիա   2   2
Շիրակ   1   1
Նոա   2   1
Գանձասար-Կապան   2   1
Փյունիկ   3   1
Լոռի   1

  0