TotalFootball.am


06.06.19 00:04

Fanclubs CUP-2019. Խորեն Մանուչարյանը՝ լավագույն ռմբարկու, Հարություն Ղարիբյանը՝ դարպասապահ


Fanclubs CUP-2019 ֆուտզալի սիրողական մրցաշարի եզրափակչից հետո կայացել է նաև մրցանակաբաշխության արարողությունը:

«Յուվենտուսի» խաղացողները, որոնք եզրափակչում 9:3 հաշվով հաղթանակ էին տարել «Մանչեսթեր Սիթիի» նկատմամբ, ստացել են չեմպիոնական գավաթն ու մեդալները:

Գավաթով և մեդալներով են պարգևատրվել նաև երկրորդ տեղը զբաղեցրած «Մանչեսթեր Սիթին» և երրորդ տեղը զբաղեցրած «Լիվերպուլը»:

Ինչ վերաբերում է անհատական մրցանակներին, ապա մրցաշարի լավագույն ռմբարկու է ճանաչվել «Յուվենտուսի» խաղացող Խորեն Մանուչարյանը՝ խփած 14 գոլով:

Մանուչարյանին լավագույն ռմբարկուի մրցանակը հանձնել է Հայաստանի հավաքականի նախկին պաշտպան Աղվան Մկրտչյանը:

Fanclubs CUP-2019-ի լավագույն դարպասապահ է ճանաչվել Հարություն Ղարիբյանը «Յուվենտուսից», որն ի դեպ երկրորդ տարին անընդմեջ արժանացավ այս մրցանակին:

Հարություն Ղարիբյանին լավագույն դարպասապահի մրցանակը հանձնեց Օլիմպիական խաղերի արծաթե մեդալակիր, աշխարհի ու Եվրոպայի չեմպիոն, հունահռոմեական ոճի ըմբիշ, Ազգային ժողովի պատգամավոր Արսեն Ջուլֆալակյանը:

Իսկ լավագույն խաղացողը դարձյալ «Յուվենտուսի» ներկայացուցիչ Վահագն Արաբյանն էր:

Վահագնին իր մրցանակը հանձնեց Երևան քաղաքի Շենգավիթ վարչական շրջանի ղեկավար Ռազմիկ Մկրտչյանը:

Նշենք՝ անհատական մրցանակներ ստացած խաղացողների համար մրցաշարի գործընկեր MUNICH Armenia ընկերությունը նվերներ էր պատրաստել:





  Լրահոս



Fanclubs CUP


Ամենաընթերցվածները

Արարատ   6   16
Շիրակ   6   13
Արարատ-Արմենիա   4   10
Լոռի   4   10
Ալաշկերտ   5   7
Նոա   6   7
Փյունիկ   5   6
Գանձասար-Կապան   6   4
Ուրարտու   6   2
Երևան   6

  0